نور الكون

أبد والله سمعت بطاري عيونك وجيت أغليك

يقول القلب سلم لي عليه ويطلب وصالك

حبيبي وش تقول بعاشق (قصة غرامه)فيك

نسى الدنيا ومن فيها وجا ينشد عن أحوالك

حبيبي جيت لمصافح مواعيد الفرح بيديك

وجيت أعطي يمينك [حب] ماتدري به شمالك

أشوفك وأسمعك قبل أعرفك وأشتاقلك وأبيك

وأحس آمال عمري "من عرفتك"تشبه آمالك

أنا ماعشت قبل أعيش "بإحساسك"وقبل أجيك

حبيبي جيت لك بقلبي ولو ماجيت لك جالك

أحاسيسي كريمه وأنت تستاهل كرم غاليك

ترى لوماأشرقت شمسك وصل رحت أتبع ظلالك

يقولون العرب دارن بلا مغليك ماتغريك!..

وأقول انك بليا <حب> كأنك عايش لحالك

ولاتزعل من اللي لازعل منك رجع يرضيك

ولاتطري كلام البعد فال الله ولافـــــــالك

انا لو ماتذكرتك غلا جاب الغلا طاريـــــــــك

تعيش وتسلم"لقلب" على كف الغلا شالك

أطالع وجهك المشرق أمل وعيوني تناديك